Aral aýdanynda memleketke qaıtarylǵan aktıvter esebinen juqpaly aýrýlar bólimshesi ashyldy
QYZYLORDA. KAZINFORM - Qyzylorda oblysynyń Aral aýdanynda prokýratýra organdary arqyly memleketke qaıtarylǵan aktıvter esebinen 25 oryndyq jańa juqpaly aýrýlar bólimshesi paıdalanýǵa berildi.
Qyzylorda oblystyq prokýratýrasy bapasóz qyzmetiniń haıýarlaýynsha, jańa medıtsınalyq nysan aýdan turǵyndaryna ýaqytyly jáne sapaly medıtsınalyq kómek kórsetý úshin salyndy.
Buǵan deıin turǵyndar mundaı medıtsınalyq kómekti shekteýli jaǵdaıda alýǵa májbúr bolǵan.
Atalǵan bólimsheniń iske qosylýy medıtsınalyq kómektiń qoljetimdiligin arttyryp, aýdan halqynyń densaýlyǵyn qorǵaýǵa múmkindik beredi.
- Medıtsınalyq nysannyń ashylý rásimine Qyzylorda oblysynyń ákimi Nurlybek Nálibaev, oblys prokýrory Rızabek Ojarov, Qazaqstan Respýblıkasy Parlamenti Májilisiniń depýtattary, sala mamandary men qoǵam ókilderi qatysty, - delingen habarlamada.
Nysannyń salynýy men memleketke qaıtarylǵan aktıvterdiń maqsatty ári tıimdi jumsalýy prokýratýra organdarynyń baqylaýynda.
Osyǵan deıin elde zańsyz shyǵarylǵan aktıvterdi qaıtarý tetigi kúsheıtilgeni týraly jazdyq.