Aral aýdandyq sotynyń sýdıasy bir kúnde medıatsııa tártibimen 8 isti aıaqtady
ASTANA. QazAqparat - Qyzylorda oblysynyń Aral aýdandyq soty medıatsııa ınstıtýtyn damytý úshin maqsatty túrde jumystar júrgizýde.
Atap aıtqanda, Aral aýdandyq sotynyń sýdıasy N. Beketaev bir kúnde medıatsııa tártibimen - 8 is boıynsha medıatıvtik kelisimderdi bekitip, aıaqtaǵan.
Onyń ishinde qaryz somasyn óndirý, múıizdi iri qara malyn qaıtarý týraly 5 azamattyq is, bótenniń múlkin jymqyrý sıpatyndaǵy 2 qylmystyq is jáne otbasy-turmystyq qatynastar aıasyndaǵy quqyqqa qarsy 1 ákimshilik is bar.
Atalmysh ister boıynsha kásipqoı medıator B. Berdalıev «Medıatsııa týraly» Zańnyń 27-babynyń talabyna sáıkes medıatsııa rásimin ótkizip, taraptardyń kelisimge kelýine qol jetkizip, «daýdy retteý týraly kelisim» jasap, sotqa usynǵan.
Munyń barlyǵy, taraptardyń daýlardyń sottan tys sheshilýine qyzyǵýshylyqtarynyń artyp, medıatorlardyń bitimgershilik rásimderin júrgizý deńgeıleriniń joǵarylaǵanyn kórsetedi.
Sonymen qatar, qazirgi tańda aýdandyq sotta Qazaqstan Respýblıkasy Joǵarǵy Soty Tóraǵasynyń bastamashylyǵymen engizilgen, daýlardyń jekelegen sanattary boıynsha daýlardy (janjaldardy) medıatsııa tártibimen sotqa deıingi retteýdi qoldanysqa engizý boıynsha pılottyq jobany iske asyrý baǵytyndaǵy jumystar jolǵa qoıyldy.
