Araq-sharap óndirisin lıtsenzııalaý normalary ózgertiletin bolady - E. Dosaev
ASTANA. 14 qarasha. QazAqparat - Araq-sharap óndirisin lıtsenzııalaý normalary ózgertiletin bolady.
Búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda Ekonomıka jáne bıýdjettik josparlaý mınıstri Erbolat Dosaev osylaı málim etti.
Toqtala ketetin jaıt, zań jobasyna sáıkes depýtat Murat Baqtııaruly Qazaqstandaǵy araq ónimderiniń 40 paıyzy «kóleńkeli» ekonomıkaǵa tıesili ekenin alǵa tartyp, 2014 jyldan bastap bul kórsetkish artyp ketpeı me degen kúdigin bildirgen edi. «Zańsyz ári qoldan araq-sharap jasaıtyndarǵa jaýapkershilik qataıa ma?» dep surady senator.
«Rasynda da «kóleńkeli» ekonomıkada problema barshylyq. Onyń ishinde araq-sharap máselesi de ózekti. Osyǵan oraı, salyq komıteti bul baǵytta lıtsenzııa berý normalaryn ózgertkeli jatyr. Buǵan qatysty arnaıy zań jobasy ázirlendi. Bul qujat Májiliske 1 jeltoqsanǵa deıin enedi. Ekinshiden, «kóleńkeli» ekonomıkaǵa qatysty jaýapkershilikke Qylmystyq kodekste de normalar qataıtylatyny qarastyrylady», - dedi Erbolat Dosaev.
