Araq iship uıyqtap qalǵan qostanaılyq áıel sábıin óltirip aldy
QOSTANAI. QazAqparat - Qostanaıda abaısyzda balasyn óltirip alǵan 28 jastaǵy áıelge qatysty tekserý sharalary júrgizilýde, dep habarlaıdy QazAqparat tilshisi oblystyq ІІD baspasóz qyzmetine silteme jasap.
Qaıǵyly oqıǵa Sarykól kentinde bolǵan.
«28 jastaǵy kelinshek 5 aılyq sábıin qasyna emizip jatyp uıyqtap qalǵan. Ol balasynyń kóz jumǵanyn tańerteń bilgen. Sarykól aýdandyq ІІB qyzmetkerleri áıeldiń sol kúni araq ishkenin anyqtady», - dedi oblystyq ІІD baspasóz hatshysy Irına Bejenar.
Atalǵan fakt boıynsha QR QK-niń 104-baby 1-bóligine («Abaısyzda adam óltirý») sáıkes sotqa deıingi tergeý sharalary júrgizilip jatyr.
