Araq adam ómirin 8 jylǵa qysqartady - Brıtanııa ǵalymdary
ASTANA. QazAqparat - Brıtanııa ǵalymdarynyń jańa zertteýi maskúnemdik adam ómirin 7,6 jylǵa qysqartatynyn dáleldedi. Derbı Koroldik gospıtaliniń zertteýshileri sońǵy 12 jylda Manchesterdiń jalpy salaly jeti aýrýhanasynda emdelgen naýqastardyń dertke shaldyǵý tarıhyn saralap, osyndaı qortyndyǵa keldi, dep jazady Rosbalt.
Medıtsına qyzmetkerleri maskúnemdikke shaldyqqan 23 myńnan astam adam týraly málimetterdi zerttep, olardyń kórsetkishterin araq ishpeıtin sonsha adamnyń jaǵdaıymen salystyrǵan. Osylaısha, 12 jyl ishinde araq-sharapqa táýeldiligi joq adamdardyń uzaǵyraq ómir súretini, al 5-shi maskúnem «ajalynan buryn» ómirden ótetini anyqtalǵan. Medıtsına qyzmetkerleri maskúnemdik adamnyń psıhıkalyq jaǵdaıyna jáne densaýlyǵyna keri áser tıgizetinin eskertti.
