Aragchı Irannyń Vashıngtonǵa shabýyl daıyndap jatqany týraly aqparatty teriske shyǵardy

ASTANA. KAZINFORM — Irannyń syrtqy ister mınıstri Abbas Aragchı Tegeran Vashıngtonda hımııalyq qarý qoldanýdy josparlap otyr jáne bógetterdiń astyna zymyran bazalaryn salyp jatyr degen aqparatty joqqa shyǵardy, dep jazdy Report.az.

Aragchı Irannyń Vashıngtonǵa shabýyl daıyndap jatqany týraly aqparatty teriske shyǵardy
Foto: Report

Basylymnyń habarlaýynsha, mınıstr bul týraly X áleýmettik jelisindegi paraqshasynda jazǵan.

Aragchıdiń aıtýynsha, sońǵy 72 saǵat ishinde Izraıldi qoldaıtyn birqatar buqaralyq aqparat quraldarynda osyndaı mazmundaǵy habarlamalar jarııalanǵan. Ol bul aqparattardy «sandyraq» dep atap, Irak soǵysy kezindegi úgit-nasıhat naýqanymen salystyrdy.

Iran Syrtqy ister mınıstri mundaı málimdemelerdiń artynda Tel-Avıv turýy múmkin degen boljam aıtty. Sondaı-aq onyń sózinshe, qoǵam mundaı aqparattarǵa baıyppen qaramaıdy.

Buǵan deıin Iran Bahreındegi AQSh radıolokatsııalyq stantsııasyn joıǵanyn málimdegen edi.