Arafat jáne Mına jazyǵynan qajylar qosynyna at shaptyrym jer bólindi
ASTANA. 23 tamyz. QazAqparat - Saýd Arabııasynyń Qajylyq isteri jónindegi mınıstri Bandar Hajar osyndaı málimdeme jasady. Bul jaıynda IINA aqparat kózi habar taratty.
ıAǵnı, qajylardyń qosy tigiletin alań burynǵy aýmaǵyna qaraǵanda 25 paıyzǵa keńeıetin boldy. Munyń ózi Mekke men Mádınadaǵy qasıetti eki meshittiń kúrdeli jóndeýden ótýine baılanysty ár elden keletin qajylardyń qarasyn jıyrma paıyzdan asyrmaý jónindegi bılik tarapy qabyldaǵan sheshimge sáıkes keledi.
Atalmysh mınıstrlik jetekshisi el bıliginiń osy ýaqytqa deıin qajylar úshin jazyqtyqtan belgili bir aýmaqta jer bólip berip kelgenin ári osynaý tájirıbeden tanbaıtyndaryn jetkizdi. Muslim.kz saıtynyń jazýynsha, buǵan qosa, «Mashaır» metropolıtenimen qajylardy tasymaldaýǵa jaýapty memlekettik mekeme tyń jobany qolǵa alaıyn dep otyr. Atalmysh joba qolǵa alynsa qajylar burynǵydaı bir ornynda topyrlap, turyp qalmaıdy. Dittegen jerine tez jetý úshin kólik qatynasy úzilmeıtin bolady.
