Aradan qashyp sýǵa sekirgen brazılııalyq jyrtqysh balyqqa jem boldy
BRAZILIA. QazAqparat – Brazılııanyń Mınas-Jeraıs shtatynda aralardan qashyp sýǵa sekirgen 30 jastaǵy er adamdy pıranıalar jep qoıdy. Bul týraly QazAqparat VVS-ge silteme jasap habarlady.
Oqıǵa Brazılandııa-dı-Mınas mýnıtsıpalıtetinde fermaǵa jaqyn mańdaǵy kólde bolǵan. Úsh dos kólde balyq aýlap júrgende kenetten aralar paıda bolady. Qatty qoryqqan olar kólge sekiredi. Ekeýi aman-esen júzip ótedi, al úshinshisi sýǵa bata bastaıdy. Ókinishke qaraı, dostary oǵan kómektese almaıdy. Jaǵaǵa aman-esen shyqqan ekeýi bolǵan oqıǵany órt sóndirýshilerge aıtyp beredi. Olar jaǵalaýdan tórt metr jerden sýǵa batqan jannyń máıitin tabady. Sýdan shyǵarǵanda balyqtar onyń oń jaq betin jáne basqa da dene múshelerin jep qoıǵany anyqtaldy. Tergeý er adamnyń neden qaıtys bolǵanyn – pıranıalardan nemese sýǵa batqannan mert bolǵanyn anyqtaıdy. Onyń denesi jerleý úshin týystaryna berildi.
Pıranıa – aýzy úlken jáne kóptegen tisteri bar kishkentaı etqorekti balyq. Bular toptasyp júredi. Negizinen ońtústik jarty shardy mekendeıdi, alaıda 2009 jyly pıranıalar Anglııanyń ońtústik-batysynda Devon ózeninen de tabyldy.
