«Arabtardan uıat boldy» - baspasózge sholý
***
«Egemen Qazaqstan» gazetinde «Qoldan jasalǵan teleskop» degen materıal jarııalandy. «El ishi - óner kenishi» dep qazaq beker aıtpaǵan. Qalyń eldiń arasynda túrli talanttardy, ónertapqyshtardy kezdestirýge bolady. Sondaı ónertapqyshtardyń biri - Zaısan aýdany Qaratal aýylynyń turǵyny Venıamın Shýlgın. Ol jaqynda qoldan teleskop jasap shyǵardy. Venıamınniń teleskopymen aspan denelerin, aıdy tamashalaýǵa bolady. Zaısandyq ónertapqysh elektrık mamandyǵy boıynsha aýyl mektebinde eńbek etedi. Qoly bos ýaqytynda ermek retinde teleskop qurastyratyn ol aýyldastaryna tól týyndylaryn satady eken. Osyǵan deıin jasaǵan tórt teleskopyn qarataldyq turǵyndar birden satyp alypty. Baǵasy arzan. Bir teleskop tórt taýyqqa baǵalanady.
***
«Aıqyn» gazetiniń jazýynsha, Qazaqstanda orys tilinde jazylatyn zańdardyń keıbiriniń qazaqsha aýdarmasynda órip júrgen qateler ultjandy azamattar úshin júrektegi shanshýǵa, sanadaǵy sergeldeńge aınalǵaly qashan. Al halyqaralyq kelisimsharttardyń memlekettik tildegi nusqasynda da qatelerdiń jiberilýi - el bedeliniń nyǵaıýyna úles qospaıtyn keleńsizdiktiń eń bir soraqysy bolyp tabylady. Osy oraıda Qazaqstannyń qol qoıylǵan ekijaqty qujatqa qaıta-qaıta nota joldap, túzete berýi arabtardyń ashýyn týǵyzypty. Bul jaıynda «Arabtardan uıat boldy» degen maqalada tolyq jazylǵan.
Osy basylymda «Endi eshkim qysta qýyp shyqpaıdy» atty maqala basyldy. Endi biraz ýaqyttan soń, Qazaqstanda áleýmettik osal topqa jatatyn jandardy baspanadan úskirik aıaz ben aqtútek boranda dalaǵa qýyp shyǵýǵa tyıym salynady. Dál osyndaı talapty qarastyratyn zań jobasyn jaqynda Májilis maquldap, Senatqa joldaǵan bolatyn. Al, keshe Joǵarǵy palatanyń Ekonomıkalyq saıasat, ınnovatsııalyq damý jáne kásipkerlik komıteti óziniń keńeıtilgen otyrysynda qujatty alqylaı kele quptap, Senat otyrysynda qabyldaýǵa usyndy.
***
«Ekspress-K» gazetiniń búgingi sanynda «Týshı prekrasnye poryvy» atty materıal basyldy. Aqmola oblystyq soty semizdikten zardap shegetin órt sóndirý qaraýyly basshysynyń qyzmetik laýazymyn qalpyna keltirdi. Alaıda onyń áriptesteriniń paıymynsha, osyndaı qutqarýshyny apat ornyna jiberýge bolmaıdy. Bıylǵy sáýirde basshylyq ony vedomstvolyq emhanaǵa jibergen eken. Áskerı-dárigerlik komıssııa órt sóndirýshige birinshi dárejeli semizdik jáne gıpertonııa dıagnozyn qoıǵan kórinedi. Osydan keıin órt sóndirý qyzmetindegiler Nurmaǵambetovty osyndaı derttermen órt sóndirýge jiberý onyń óziniń ómirine qaýipti degen sheshim shyǵaryp, brandmeısterdi qaraýyl basshysy qyzmetinen alyp tastaǵan.
