Arabtar Qyzylordadan túıelerdi ushaqpen áketýde
QAZALY. QazAqparat - Qyzylorda oblysy Qazaly aýdanynan otyzǵa jýyq túıe Birikken Arab Ámirligine eksporttaldy, dep habarlaıdy QazAqparat tilshisi.
Túıeler «Jeńis» sharýa qojalyǵyna tıesili. Qojalyq basshysy Eset Serimovtiń aıtýynsha, Arab túbeginen kelgen kásipkerlerdiń kózi «Bir týǵan nar» dep atalatyn túıe tuqymyna túsken. Bul túıe qazaqtyń aıyr órkeshti túıesi men túrkimenderdiń túıesimen býdandastyrý arqyly alynǵan.
«Arabtar «Bir týǵan nardyń» 1-2 jasaryn jáne asyl tuqymdy aıyr órkeshtiniń de birnesheýin aldy. Birikken Arab Ámirliginiń tabıǵaty qatal, jazy aptap ystyq, sýsyz shól dala. Sondyqtan, jergilikti turǵyndar tózimdi túıe túligin ósirgendi qolaıly kóredi. Bizdiń tabıǵat ol jaqqa uqsas eken. Sol úshin arab kásipkerleri Syr óńiriniń túıelerine qyzyǵyp otyr», - deıdi kásipker Eset Serimov.
BAÁ kásipkerleri «Jeńis» sharýa qojalyǵynan 20 bas jáne taǵy birqatar kásipkerden 9 bas túıe satyp alǵan. Olar aldaǵy ýaqytta Qazaqstanǵa taǵy da kelip, saýdalasýdy josparlap otyr.
Jalpy, BAÁ-den kelgen qonaqtar Qyzylorda oblysy boıynsha 100 túıe satyp alǵan. Olardy eline áketý úshin ushaq jaldaǵan.
