Arabtar eldiń shyǵysyna ınvestıtsııa salmaq

NUR-SULTAN. QazAqparat – Ortalyq kommýnıkaııalar qyzmetinde QR Energetıka mınıstri Maǵzum Myrzaǵalıevpen ótken brıfıngte Shyǵys Qazaqstandaǵy eki birdeı sý elektr stansanyń nege satylymǵa shyǵarylǵany týraly saýal qoıyldy, dep habarlaıdy QazAqparat tilshisi.

Mınıstr Maǵzum Myrzaǵalıev bul ınvestıtsııalyq jobanyń Qazaqstanǵa ne beretin qysasha bylaı dep túsindirdi:

«Jalpy biz óz jumysymyzda árdaıym elde jaǵymdy ınvestıtıtsıalyq klımat qalyptastyryp, shetel ınvestıtsııasyn tartýǵa tyrysamyz. Bul óte mańyzdy. Arab ınvestorlarymen ShQO-ǵy 2 sý elektr stansasynyń 74,99 paıyz aktsııasyn satý boıynsha júrgizip jatqan kelissózder ne úshin qolǵa alyndy. Nege biz ol nysandardy satqymyz keledi?

Birinshiden, iri arab kompanııalaryn GES-terden bólek Qazaqstannyń jaly energetıka salasyna ınvestıtsııa salǵyzý úshin tartyp otyrmyz. Arab kompanııalarymen 6 mlrd dollardan astam ınvestıtsııa ákelý máselesin talqylap jatyrmyz. Bul bizdiń elge, energetıka salasyna kerek jaqsy ınvestıtsııalar», - dedi mınıstr.

Aıtýynsha, memleket baqylaýynda qalatyn 25 paıyzdan sál asatyn aktsııa paketi saladaǵy ahýaldy rettep otyrýǵa ábden jetkilikti.

«74,99 paıyz aktsııasy satylady degenge kelsek, óz quzyrymyzda 25 paıyzdan astam aktsııasyn qaldyrǵymyz keledi. Osy arqyly «buǵattaý quqyǵyn» beretin aktsııa paketi memlekettiń qolynda bolady.

Úshinshiden, GES-ter týraly aıtqanda, ınvestorlarmen sol nysandardyń qýatyn arttyrý baǵytynda kelisý óte mańyzdy. ıAǵnı, qazir bul eki stansanyń jalpy qýaty 1GVt-tan sál asady. Biraq Shúlbiniń boıynda jańa GES kaskadyn salý múmkindigi bar. Bul stansanyń qýatyna taǵy 500-600 MVt qosýǵa múmkindik beredi», -dedi Maǵzum Myrzaǵalıev.