Arabııalyq azamat shóleıt aımaqtarda taza sý tapshylyǵyn sheshetin qurylǵy oılap tapty
ASTANA. 20 mamyr. QazAqparat - BAÁ-niń Abdýlla ál-Shehı esimdi azamaty eldiń shóleıt aımaqtaryndaǵy taza sý tapshylyǵyn sheshetin qurylǵy oılap tapty,
dep habarlady Qazaqstan musylmandary dinı basqarmasynyń resmı saıty.
«Al-Ma» ıaǵnı, «Sý» dep atalatyn qurylǵy teńiz jáne kólderdiń sý betinen, jańbyr sýy, tańǵy shyq, tipti tuman syndy ylǵaldardy aıyryp alýǵa qabiletti bolyp otyr. Osylaısha jınalǵan taza sýdyń shyǵyny qazirgi tazartý jumystarynan áldeqaıda arzanyraq bolmaq. Ónertapqyshtyń aıtýynsha, BAÁ-niń sharýashylyq nysandarynyń qazirgideı tuşy sýǵa degen suranysy artyp otyrǵan kezinde, óziniń qurylǵysy bul orasan zor sý tapshylyǵyn 20 sharshy mıldik sý alańynan aıyna 253,6 mıllıon lıtrge deıin taza sý óndirý arqyly sheshpek", - dep jazady QMDB.
Brıtandyq «Haddersfıld» ýnıversıtetin ınjener-elektrotehnık mamandyǵy boıynsha bitirip shyqqan túlek, keleshekte óziniń abattandyrǵysh-kollektory taza sýǵa zárý elder tarapynan suranysqa ıe bolatynyna kámil senimdi. Ol qazirgi tańda jobany iske asyrý úshin ınvestor izdeýde.
