Arab jáne ıslam elderiniń syrtqy ister mınıstrleri Qytaıǵa barady
Arab elderiniń syrtqy ister mınıstrleri Gazadaǵy soǵysty toqtatý máselesin talqylaý úshin Qytaıǵa barady, dep habarlaıdy Kazinform.
Saýd Arabııasynyń Syrtqy ister mınıstri Feısal ıbn Farhan ál-Saýdtyń málimdeýinshe, Arab-Islam sammıtin uıymdastyrýǵa jaýapty komıtet jumysyn bastady. Oǵan Gazada atysty toqtatý úshin is-qımyldardy ázirleý mindettelgen.
Arab jáne ıslam elderiniń syrtqy ister mınıstrleri jurtshylyqqa Gazada atysty toqtatý, zardap shekkenderge kómek kórsetýdi bastaý kerektigin jetkizý úshin dúısenbi kúni Qytaıǵa, keıin basqa da elderge barady.
Foreign Minister HH Prince @FaisalbinFarhan announces the start of the work of the ministerial committee in charge of the Arab-Islamic summit concerned with formulating an international action to stop the war on Gaza and the first stop is China. pic.twitter.com/Wn9rxZNsUE
— Foreign Ministry 🇸🇦 (@KSAmofaEN) November 18, 2023
Bul sapar – arab jáne ıslam elderiniń qarasha aıynda Er-Rııadta ótken sammıtinde qabyldanǵan sheshimderdi júzege asyrýdyń alǵashqy qadamy.
Eske sala ketsek, sammıt qorytyndysy boıynsha qatysýshylar qarar qabyldady, onda Gaza sektory – Palestınanyń Iordan ózeniniń batys jaǵalaýyndaǵy aýmaǵynyń ajyramas bóligi ekeni aıtyldy. Sektordaǵy qarýly qaqtyǵystar úshin jaýapkershilik Izraılge júkteldi. AML men IYU elderi palestınalyqtardy qoldaý úshin qarjylyq qaýipsizdik júıesin qurýǵa kelisti.
