Arab tilinde sóıleıtin tuńǵysh robot jasaldy
ASTANA. Qarashanyń 4-i. QazAqparat - Birikken Arab Ámirlikterindegi Ál-Aıne ýnıversıtetiniń qyzmetkerleri arabsha sóıleıtin tuńǵysh robot jasap shyǵardy, dep habarlaıdy QazAqparat AFP saıtyna silteme jasap.
Gýmanoıdqa XI ǵasyrda ómir súrgen, Eýropada Avıtsenna degen atpen keń tanylǵan ǵalymnyń jáne pálsapashynyń qurmetine oraı Ibn Sına degen esim berildi. Jasaýshylar robottyń ıyǵyna altyn jippen kómkerilgen aq shapan japty, sonymen qatar, óziniń «prototıpine» barynsha uqsas bolýy úshin oǵan uzyn appaq saqal japsyryp qoıdy.
Taıaý arada mundaı robottardy jappaı shyǵarý josparlanýda. Olar saýda ortalyqtarynda kómekshi jumys isteı alady, satýshy bolyp, sondaı-aq aqparat taratatyn oryndarda belgili bir operatsııalardy oryndaýǵa qabiletti. Ibn Sına Ál-Aınede bir kún molda bolyp ta «jumys istedi».
