Arab tilinde «Elbasy - Memleket negizin qalaýshy» jýrnaly shyǵaryldy

ÁBÝ-DABI. 28 qarasha. QazAqparat - Qazaqstan Respýblıkasynyń Tuńǵysh Prezıdenti kúnine oraı Birikken Arab Ámirlikterindegi Qazaqstan Elshiligi «Elbasy - Memleket negizin qalaýshy» atty arab tilindegi jýrnalyn jaryqqa shyǵardy.

Atalǵan basylymda Qazaqstannyń belgili qoǵam jáne memleket qaıratkerleriniń «Tarıhı tańdaý», «Nursultan Nazarbaevtyń jeti tiregi», «Biz durys baǵytty tańdadyq», «N.Á.Nazarbaev - dinaralyq jáne ultaralyq kelisimniń qazaqstandyq modeli úlgisin qalaýshy», «Esimi tarıhta», «Beıbitshilik pen tatýlyqtyń mekeni, úılesim men aıqyndyqtyń zamany» atty maqalalary endi. Sonymen qatar, Elshiliktiń osy jýrnaly arqyly arab oqyrmandary Elbasymyzdyń «Daǵdarystan shyǵý kilti» jáne «Besinshi jol» atty maqalalarymen de tanysa alady.

1 jeltoqsanda qazaqstandyqtar atap ótetin Tuńǵysh Prezıdent kúni men 2 jeltoqsanda Ámirlikter halqy toılaıtyn ulttyq meıram tuspa-tus kelip otyr. Osy mereke kúnderi BAÁ Mádenıet, jastar jáne qoǵamdy damý jónindegi mınıstrliktiń shaqyrýymen Qazaq memlekettik qyzdar pedagogıkalyq ýnıversıtettiń «Tomırıs» bı toby Ábý-Dabı, Dýbaı jáne Sharja qalalarynda óner kórsetetin bolady.