Arab tili bolashaq tili bolyp qalady - Dýbaı ámirshisi
ÁBÝ-DABI. QazAqparat - Arab tili oramdylyǵy men túrli mádenıetterdegi tarıhı róliniń arqasynda bolashaq, ǵylym men ınnovatsııalar tili bolyp qalady. Bul týraly Dýbaıda arab tilinen besinshi Halyqaralyq konferentsııada BAÁ-niń vıtse-prezıdenti, eldiń premer-mınıstri, Dýbaı ámirliginiń bıleýshisi sheıh Mohammed bın Rashıd Ál Maqtým málimdedi.
«Eger biz ǵylym, matematıka jáne medıtsınalyq kitaptar tarıhyna júginsek, olardyń kóbi arab tilinde jazylyp, basqa tilderge aýdarylǵanyn kóremiz», - dedi sheıh Mohammed. Ol sondaı-aq arab tilinen ataýly syılyqtyń birneshe jeńimpazyn marapattady.
Shveıtsarııada ornalasqan «Dar Ál Farah» ınstıtýty arab tilin ekinshi til retinde oqytýdyń úzdik baǵdarlamasy úshin marapattaldy. Saýd Arabııasynyń joǵary bilim salasyndaǵy baǵalaý boıynsha Ulttyq ortalyǵy arab tilin bakalavrıat deńgeıinde oqytýdyń úzdik bastamasy úshin marapattaldy.
Dýbaı ámirshisiniń aıtýynsha, qazirgi kezde basqa shetelderde áli kúnge deıin paıdalanylyp otyrǵan kóptegen arab sózderin tabýǵa bolady. «Bul arab tiliniń oramdylyǵy men beıimdelgishtiginiń arqasynda bolyp otyr», - dedi ámirlik bıleýshisi.
