Arab sheıhy jeke aralyna óziniń atyn 4 shaqyrymdyq áriptermen oıyp jazdy
ASTANA. 23 shilde. QazAqparat - Arabtyń sheıh-mıllıarderi jeke menshigindegi araldaǵy qumǵa óziniń atyn 4 shaqyrymdyq áriptermen oıyp jaza otyryp, dańqyn asqaqtatýǵa bel býdy, dep habarlaıdy Neftegaz.ru.
Tipti ǵaryshtan jáne Google Map kartalarynan kórýge bolatyn teńdessiz «qoltańba» Abý-Dabıden bes shaqyrym qashyqtyqta jatqan Parsy shyǵanaǵynda paıda boldy.
HAMAD jazýy oǵan tıesili ál-Fýtaısı aralyndaǵy qumǵa bir shaqyrym bıiktikti quraıtyn áriptermen oıylyp jazyldy, jazýdyń uzyndyǵy 4 shaqyrymǵa jýyqtaıdy, dep habarlaıdy The Sun gazeti.
Jumysshylar aralǵa Hamad ben Hamdan al-Nahıan sheıhynyń atyn jazý úshin jiberildi. Jazýdyń úlkendigi sonsha, aralǵa keıbir áripter syımaı qaldy. Olardyń sulbasyn jasaý úshin áripterdiń bir bóligin sýdan qorshaýǵa týra keldi.
63 jasar sheıhtyń ál-aýqaty 22,6 mlrd dollardy quraıdy. Onyń baılyǵy tek Saýd Arabııasynyń korolinen ǵana az.
