Arab sheıhtary ShQO-da bekire ósirip, kúrketaýyq etin óndirmekshi
Kezdesýge Birikken Arab Ámirlikteri sheıhiniń reseılik ókilderi keldi. Olardy ShQO ákiminiń orynbasary Ásem Núsipova qabyldady. «BITONFLY» kompanııasynyń menedjeri Maksım Lavrovtyń aıtýynsha, Reseı men BAÁ arasyndaǵy birlesken kásiporyn Qazaqstanǵa birinshi ret ınvestıtsııa salmaqshy. Óndiriske jer telimi Borodýlıha aýdanynan berilmek.
«BAÁ taraby eki jobaǵa 50 mln AQSh dollaryn quıýǵa daıyn. Qurylysqa jaýapty qosalqy merdiger anyqtaldy. Qazaqstan tarapymen ınvestıtsııalyq kelisimshart jasalyp, Ulttyq bankte tirkeldi. Endi osyndaǵy qujat jumystaryn retteýge kómektesseńizder» - dedi Masım Lavrov. Bekireni toqtaý sýda ósirý úshin eýropalyq tehnologııa paıdalanylmaq. Joba tolyq qýatyna engende jylyna 500 tonna bekire súbesin óndiretin bolady. Al kúrketaýyq fermasy jylyna 8,2 myń tonna qus etin shyǵarmaq. Qujat jumystary retke kelgen jaǵdaıda ınvestorlar birden iske kirispekshi.
«Qara sýyq túskenshe jumysty nóldik deńgeıge jetkizýimiz kerek. Ol úshin jer telimi ornalasqan aýmaqtyń geodezııasymen tanysyp úlgerýimiz qajet» -deıdi kompanııanyń menedjeri.
Ásem Núsipova bul jobanyń óńir úshin mańyzy zor ekenin atap, birlesken is-sharalardyń jol kartasyn daıyndaýdy usyndy.
«Bekireni toqtaý sýda ósirý biz úshin tańsyq emes. Bul turǵyda sizderge ádistemelik kómek te kórsete alamyz. Al kúrketaýyq eti buǵan deıin bizde óndirilip kórmegen. Kompanııanyń ókildigi Semeı qalasynda tirkelipti. Bul qosymsha salyq túsimi degen sóz. Onyń ústine 150 adamdy jumyspen qamtyǵaly otyrsyzdar. Qazaqstandaǵy alǵashqy ınvestıtsııalyq jobalyryńyzdy bizdiń óńirde júzege asyryp bastaǵandaryńyzǵa qýanyshtymyz» -dedi ákimniń orynbasary.
Kompanııa ókilderiniń aıtýynsha, qos óndiris oshaǵy da negizinen BAÁ naryǵyna jumys istemek. ıAǵnı, barlyq jeli «halal» standart boıynsha jumys jasaıtyn bolady.
