Arab sheıhtary bir dýadaq atsa Qazaqstanǵa 500 myń teńge tóleıdi
Mınıstrliktiń baspasóz qyzmeti habarlaǵandaı, bıyl Qazaqstanda 174 dara dýadaq aýlaýǵa ruqsat etilgen. Jáne de qustardy aýlaý úshin Birikken Arab Ámirlikteri men Katardyń tek jekelegen tulǵalaryna ǵana ruqsat beriledi eken. Ańshylyq kezinde atylǵan bir dýadaqtyń quny 260 aılyq eseptik kórsetkishke teń, ıaǵnı 551 460 teńge.
Jalpy, Parsy shyǵanaǵyndaǵy elder Qazaqstanda dýadaq aýlaýǵa ruqsat alý úshin elimizben mynandaı kelisim jasaýǵa shaqyrǵan. Arab elderiniń birinshi tulǵalarymen uzaq ýaqyt yntymaqtastyq ornata otyryp, dýadaqqa qus salyp aýlaıtyn dástúrli jalǵastyrý úshin, olardyń sanyn kóbeıtip, qorǵaýǵa qarjy bóleıik degen bastama kóteripti.
«Osy kelisim aıasynda arab ınvestıtsııasynyń esebinen Ońtústik Qazaqstan oblysynda jasandy jolmen dýadaq sanyn kóbeıtetin ortalyq salynyp, jumys istep tur. Sol ortalyqta kóbeıgen dýadaq keıin Qazaqstan dalasyna jiberiledi. Jyl saıyn osy ortalyqtan bes myńǵa tarta dara dýadaq en dalaǵa ushyrylǵan. Arab tarapy Qazaqstan aldyndaǵy óz mindetin oryndaý úshin 2009-2016 jyldar aralyǵynda Qazaqstannyń tabıǵatyna 7 555 dýadaq qus ushyrǵan. ıAǵnı, arab taraby bul qus túrin kóbeıtip, Qazaqstan aýmaǵyna shyǵarady, al, Qazaqstan Úkimeti olardy aýlaýǵa ruqsat etedi. Biraq, aýlaýǵa bolatyn qustardyń sanyn óte az mólsherde belgileıdi», -dep túsindirdi AShM-nyń baspasóz qyzmeti.
Aýyl sharýashylyǵy mınıstrliginiń málimetine súıensek, Qazaqstanda 9 500-ge tarta dýadaq bar.