Arab News: Saýd Arabııasy alǵash ret týrıstik vızalar bere bastady

ER-RIıAD. QazAqparat – Búgin, 27 qyrkúıekte Saýd Arabııasy 49 eldiń týrısterine alǵash ret vıza bergenin resmı málimdedi, dep habarlaıdy «QazAqparat» HAA Arab News saıtyna silteme jasap.

Bul týraly Saýd týrızm jáne ulttyq mura jónindegi komıssııasy eldegi basty týrıstik baǵyttardyń birine aınalǵan ád-Dırıııa qalasynda ótken is-sharada málim etti.

Taq murageri Muhammed ben Salman qolǵa alǵan «Saudi Vision 2030» reformalar baǵdarlamasynyń basty baǵyttarynyń biri - kıkstart týrızmi (aǵyl. kick start – aýyspaly maǵynada: «jańartylǵan, jaqsartylǵan nusqasyn iske qosý»). Baǵdarlama munaıdan keıingi dáýirdegi eń iri arab ekonomıkasyn qurýǵa baǵyttalǵan.

Týrızm departamentiniń basshysy ál-Hatıbtiń aıtýynsha, «týrıster mádenıet marjandaryn kórip tańǵalady. Olar ıÝNESKO tizimine engizilgen bes nysan, jergilikti ulttyq mádenıet jáne tabıǵattyń kózdiń jaýyn alatyn sulýlyǵy».

Onyń aıtýynsha, Saýd Koroldigi sheteldik áıelderge arnalǵan dress-kod erejelerin ózgertpek. ıAǵnı, týrıst áıelder arabtyń etek-jeńi uzyn kóılegin kımeýine bolady. Tek sypaıy kıinip júrse bolǵany.

Eýropanyń 38, Azııanyń 7 eli, AQSh, Kanada, Aýstralııa jáne Jańa Zelandııa týrısteri vıza alýǵa onlaın ótinim berýine bolady.

Arab News agenttiginiń habarlaýynsha, vıza quny - 300 rıal (80 AQSh dollary).

Týrıstik vızany alýǵa ótinishter bıyl 28 qyrkúıekten bastap qabyldanady.

Qazir Saýd Arabııasy týrızminiń basty baǵyty – qajylyq sapary. Álemniń túkpir-túkpirinen Mekke men Mádınany kórý úshin musylmandar aǵylyp keledi.