Arab memleketteriniń basshylary «Ierýsalımdi qutqarý jónindegi is-qımyldardyń josparyn» qabyldady
ASTANA. Naýryzdyń 29-y. QazAqparat - Arab memleketteri lıgasynyń músheleri Lıvııanyń Sırt qalasynda bolǵan jyl saıynǵy sammıtte «Ierýsalımdi qutqarý jónindegi is-qımyldardyń josparyn» qabyldady.
Bul jospar boıynsha, Ierýsalımde turyp jatqan palestınalyqtarǵa 500 mıllıon dollar bólý máselesi qarastyrylǵan, dep habarlaıdy KUNA.
Qujatty qabyldaǵan memleketter sondaı-aq barlyq halyqaralyq uıymdardy Shyǵys Ierýsalımdi óziniń zańdy jeri retinde taný týraly Izraıldiń áreketterin moıyndamaýǵa úndeýde. Lıga músheleri BUU-nyń Halyqaralyq sotyn qaladaǵy ızrıaldik aktsııalardy tekserýdi bastaýǵa shaqyryp otyr.
Esterińizge sala keteıik, Shyǵys Ierýsalımde taǵy 1,6 myń úı salý týraly Izraıldiń jospary naýryzdyń 10-ynda jarııa etilgen bolǵan. Al palestınalyqtar qaladaǵy evreı qonystarynyń qurylysyn toqtatý - Taıaý Shyǵystaǵy ahýaldy beıbit jolmen retteý problemasy boıynsha kelissózdi jandandyrýdyń basty sharty retinde atap otyr.
Arab memleketteriniń lıǵasy 21 eldiń jáne Palestınany azat etý uıymynyń basyp biriktirip otyrǵan halyqaralyq uıym.
