Arab koordınatsııalyq toby Qazaqstanǵa ınvestıtsııa salady
ASTANA. KAZINFORM - Venada ótken forým aıasynda Qazaqstan Respýblıkasy Ulttyq ekonomıka mınıstrligi men OPEC Halyqaralyq damý qory arasynda Seriktestik týraly negizdemelik memorandýmǵa qol qoıyldy.
Qor ártúrli ekonomıkalyq salalarda turaqty damý jáne jeke sektor jobalaryna ınvestıtsııa salýdy josparlap otyr.
Jalpy, Arab koordınatsııalyq tobynyń qorlary iri ınfraqurylym jáne ónerkásip jobalaryn júzege asyrý úshin ınvestıtsııalar tartady.
«Islam damý ınstıtýttarynyń qarjylandyrý sharttary halyqaralyq kapıtal naryǵyndaǵy eń básekege qabiletti sharttar sanalady. Sondyqtan Arab koordınatsııalyq tobymen uzaq merzimdi ınvestıtsııalyq yntymaqtastyq – bizdiń ınvestıtsııalyq saıasatymyzdyń basym baǵyty», - dep atap ótti Premer-Mınıstrdiń orynbasary – ulttyq ekonomıka mınıstri Nurlan Baıbazarov.
