Arab kompanııasy záýlim ǵımarat salýdan álemdik rekord ornatpaq
ASTANA. 8 sáýir. QazAqparat - Birikken Arab Ámirlikterindegi Emaar Properties qurylys kompanııasy álemdegi aspanmen talasqan záýlim ǵımarattardan da bıik jańa munara salmaq, dep habarlady Lenta rý.
Kompanııanyń bas atqarýshy dırektory Mohamed Alabbar Dýbaıdaǵy bıiktigi 828 metrlik Burj Khalifa munarasynan, tipti saýd hanzadasy Alvalıd salmaqshy bolǵan Jıddadaǵy Koroldik munarasynan (Kingdom Tower) da bıik ǵımarat salmaqshy. Kingdom Tower munarasynyń quny 1,23 mlrd, bıiktigi 1000 metr (3280 fýt) bolmaq.
Al rekordsmen-munara qaıda salynatyny ázirge belgisiz, onyń quny da, jobanyń avtory da ázirge beımálim. Anyǵy, Dýbaıdyń ortalyǵyn salýǵa tikeleı qatysqan Emaar Properties óziniń shtab-páterin satyp, arab derekkózderiniń málimdeýinshe, 1,3 mlrd. dollar mólsherindegi qaryzdaryn ótep, sodan keıin qurylysqa kirispekshi.
