«Arab kóktemi» elderi qajylyqqa barý jeńildigine ıe bolady
ASTANA. 24 tamyz. QazAqparat - Týnıs, Mysyr, Lıvııa, Iemen jáne keıbir elderdiń bıyl qajylyqqa barǵysy keletin turǵyndarynyń sanyna shekteý qoıylmaıtyn boldy. ıAǵnı, Saýd Arabııasy bıliginiń qajylar sanyna baılanysty shekteý atalǵan elderdiń turǵyndaryna júrmeıdi.
«Saıası tolqýdan áli es jııa qoımaǵan elderden keletin qajylardyń sanyn shekteıtin oıymyz joq», - dedi Saýd Arabııasy koroldiginiń Qajylyq isteri jónindegi mınıstri Bandar Hajar. Bul jaıynda Reuters habar taratty.
«Sheneýniktiń sózine qaraǵanda, azamat soǵysy sharpyǵan Sırııanyń ózinen bıylǵy jyly 10 myń adam qajylyq paryzyn óteýge kelýi múmkin. Ústimizdegi jyly 30 myńdaı musylman 20 paıyzdyq kvotaǵa baılanysty qajylyǵyn óteı almaıdy», - dep jazady muslim.kz.
