Arab ınvestorlary Aqtaýda 35 qabatty ǵımarat salmaq
BAÁ ınvestorlarymen iskerlik kezdesýlerdiń nátıjesinde 35 qabatty kópfýnktsıonaldy keshen, logıstıkalyq jáne ındýstrııalyq park qurylysy, jańa Fly Dubai áýe jelisiniń ashylýy, «Kaspıı» ÁKK men Abý-Dabı ónerkásip palatasy arasyndaǵy yntymaqtastyq týraly qujattarǵa qol qoıyldy.
Birinshi memorandým - Mańǵystaý oblysynyń ákimdigi men Abu Dhabi Investment Authority Egemendi qory arasynda «Kóp qabatty kópfýnktsıonaldy keshen qurylysy» jobasyn júzege asyrý boıynsha ózara yntymaqtastyq týraly kelisim. Aqtaý qalasynda turǵyn úı kesheni, bıznes ortalyqtar men qonaq úıdi qamtıtyn 35 qabatty ǵımarat salynady. Qujatta kórsetilgendeı, qurylys jobasyndaǵy jumystar tsıfrlyq tehnologııa elementterin engizý arqyly júzege asyrylady. Bul jergilikti turǵyndardy jumyspen qamtýǵa kómektesedi. Atalmysh jobany júzege asyrý úshin qazaqstandyq qurylys kompanııalary men qurylys materıaldaryn óndirýshiler de tartylady.
Ekinshi kelissóz «Kaspıı» Áleýmettik-kásipkerlik Korporatsııasy» Ulttyq kompanııasy» AQ men Abý-Dabı Saýda-ónerkásip palatasy arasynda ınvestıtsııalyq jáne iskerlik yntymaqtastyqty nyǵaıtý boıynsha ótti. Taraptar eki eldiń kásipkerleri arasynda tikeleı baılanystar ornatýǵa kelisti jáne birlesken ınvestıtsııalyq jobalardy júzege asyrý máselelerin talqylady. Sondaı-aq, ekonomıkalyq ártaraptandyrý arqyly óńirdiń básekege qabilettiligin arttyrý maqsatynda, Mańǵystaý oblysyna shetel ınvestıtsııalaryn, jańa tehnologııalar men resýrstardy tartý josparlanyp otyr.
Aqtaý áýejaıy men «Fly Dubai» avıakompanııasy arasynda úshinshi memorandýmǵa qol qoıyldy. Qujatta Mańǵystaý oblysy men Dýbaı qalasy / BAÁ arasynda baılanys ornatý jáne damytý úshin qolaıly jaǵdaı jasaý kórsetilgen. Fly Dubai 2018 jyldyń qazan aıynan bastap 2018/2019 maýsymyna josparlanǵan jańa Dýbaı-Aqtaý-Dýbaı reısin ashady. «Aqtaý halyqaralyq áýejaıy» AQ tıisti áýejaı men jerdegi qyzmetterdi uıymdastyrýǵa, sondaı-aq tıimdi baǵa saıasatyna qoldaý kórsetedi.
Tórtinshi memorandýmǵa «Aqtaý teńiz porty» AEA basqarmasynyń tóraǵasy Baýyrjan Qaıratov pen PBP Holdings LTD ókili Mark Rong qol qoıdy. Qujatta 60 gektar aýmaǵy bar logıstıkalyq jáne ındýstrııalyq parktiń qurylysy jáne 50 mln. AQSh dollary kólemindegi ınvestıtsııa tartý týraly jazylǵan.
Mańǵystaý kásipkerleriniń arab ınvestorlarymen júrgizilgen barlyq iskerlik kelissózi Qazaqstan Respýblıkasynyń Prezıdenti Nursultan Nazarbaevtyń 2017 jyldyń qańtar aıynda BAÁ-ge resmı saparynan keıin jalǵasty. Elbasy saparynda Dýbaıdaǵy «Aqtaý teńiz porty» AEA-ny damytý maqsatynda Mańǵystaý oblysynyń ákimdigi men DP World arasyndaǵy yntymaqtastyq týraly memorandýmǵa qol qoıý rásimi ótti. «DP World» - 6 kontınentte 60 termınaly bar álemdegi eń iri port operatorlarynyń biri.
Sapar barysynda Mańǵystaý oblysynyń ákimi Eraly Toǵjanov jáne qazaqstandyq bıznes delegatsııa «DP World» basshylyǵymen kelissózder júrgizip, oblys ákimi naqty usynystar jasady.
«Bastapqy kezeńde uzartý múmkindigimen 12 aı merzimge shart jasaýdy usynamyz. Sondaı-aq, yntymaqtastyqtyń balamaly nusqasy retinde «Aqtaý teńiz porty» AEA-nyń sýb-aımaqtardyń birinde basym baǵyttar boıynsha ınvestıtsııalardy tartý arqyly odan ári damytý shartymen jumys isteýdi usynamyz. Sonymen qatar, «Aqtaý teńiz porty» AEA ınvestıtsııalardy tartý jáne joǵary tehnologııalyq óndiristik obektilerdi ornalastyrý aýmaǵy retinde qarastyrý qajet», - dedi Eraly Toǵjanov.
Kelissózder nátıjesinde Mańǵystaý oblysy ákimdigi men kompanııa arasyndaǵy memorandým naqtylanyp, «DP World» kompanııasy «Aqtaý teńiz porty» AAQ basshylyǵymen yntymaqtastyqta jumys isteýge nıetti ekenderin jetkizdi.
Oblys ákimi jumys tobymen birge «Jebel Ali Free Zone» AEA-da boldy. «Jebel Ali Free Zone» porty álemdegi eń úzdik 50 konteınerlik teńiz aılaǵy arasynda 9-orynǵa ıe. Bul - qaıta eksporttaýdyń (tranzıt) saýda logıstıkalyq júıesinde mańyzdy transshekaralyq keshen. BAÁ jyl saıyn orta eseppen 1,6 mln. tonna bıdaı ımporttaıdy. Orta eseppen alǵanda, ishki tutynýǵa 1,2 mln. tonna bıdaı jumsalsa, al qalǵany qaıta eksporttalady. «Aqtaý teńiziniń Soltústik termınaly» JShS jáne «DPWorld» arasyndaǵy aldyn-ala kelisimsharttyń negizinde bıznes-úderisterge, marketıngtik qyzmetke jáne basqa da qyzmetterge tolyq taldaý júrgizý boıynsha jumystar júrgizilýde.
Bul jobalardyń júzege asýy Qazaqstannyń kóliktik qyzmet kórsetý naryǵynda Ortalyq Azııadaǵy tranzıttik memleket retinde básekege qabiletiniń artýyna, Jibek jolynyń boıynda júk tasymalynyń tartymdylyǵyn qamtamasyz etýge, Parsy shyǵanaǵy, Kavkaz, Túrkııa jáne Ońtústik Eýropanyń naryqtaryna qoljetimdilikti qamtamasyz etýge kómektesedi.
12 naýryzda Abý-Dabı men Mańǵystaý kásipkerleri arasynda áýe tasymaly, aqparattyq tehnologııalar jáne munaı ónerkásibi salalarynda qarym-qatynasty nyǵaıtý maqsatynda Sheıh Sýrýr Bın Mýhammed Ál Nahaıan men aımaq basshysy bastaǵan Qazaqstan-Ámirlikter bıznes forýmy ótti.
