Arab ınvestorlary Qazaqstanda jel elektr stantsııasyn salýǵa 1,8 mlrd dollar ınvestıtsııa salady

ACWA Power dırektorlar keńesiniń tóraǵasy Mýhammad Abýnaııan Qazaqstannyń Jetisý oblysynda iske asyrylýy múmkin joba jaıynda aıtyp berdi, dep habarlaıdy Kazinform Silk Way telearnasyna silteme jasap. 

M.Abýnaııannyń aıtýynsha, Klımattyń ózgerýi jónindegi BUU-nyń negizdemelik konventsııasy taraptarynyń 28-shi konferentsııasy aıasynda Qazaqstan Prezıdentimen kelissózder boldy. Bul turǵyda elimizdiń bir óńirinde qýaty 1 GVt jel elektr stantsııasyn salý máselesin qaralǵan. Bul nysanǵa salynatyn ınvestıtsııa 1,8 mlrd AQSh dollaryna jetedi.

«Biz Qazaqstandaǵy quny 1,8 mlrd. dollar bolatyn ınvestıtsııalyq jobamyz jaıynda qýana habarlap otyrmyz. Qazaqstannyń energetıka salasyndaǵy bastamalaryn, sondaı-aq «jasyl» energetıkanyń qalaı damyp jatqanyn kórip otyrmyz. ACWA Power kompanııasynda osy baǵyttaǵy jobalardy iske asyrý turǵysynda barlyq qajet múmkindikter men quzyretter bar. Biz Ortalyq Azııanyń elderinde jobalardy júzege asyryp keldik. Atap aıtqanda, Qazaqstan biz úshin strategııalyq mańyzdy seriktes», - dedi ol.

Buǵan deıin Memleket basshysy ACWA Power kompanııasy dırektorlar keńesiniń tóraǵasy Muhammed Abýnaııandy qabyldaǵanyn jazǵan bolatynbyz.