Arab elinde Skype-ke tyıym salynýy múmkin
ASTANA. 27 naýryz. QazAqparat - Saýd Arabııasy eldiń telekommýnıkatsııalyq kompanııasyna Skype, Whatsapp, Viber, Line sekildi málimet berýdiń shıfrlanǵan arnalaryn paıdalanatyn qosymshalarǵa tyıym salatynyn aıtyp, eskertý jasady.
Eger az ýaqyttyń ishinde joǵaryda atalǵan elektrondy servıs túrlerine baqylaý ornatpasa, bılik osyndaı sheshim qabyldaýy múmkin. Bul jaıynda Ahrarpress habar taratty.
Saýd Arabııasynyń baılanys jáne aqparat tehnologııasy departamenti jergilikti kompanııanyń aldyna álgindeı platformalardy paıdalanýdyń qaýipsiz jolyn tabý, baqylaý ornatý mindetterin qoıdy. muslim.kz saıtynyń jazýynsha, atalmysh kompanııa bıliktiń bul talabyn osy aptanyń sońyna deıin oryndap úlgerýi kerek. Al aıtylǵan ýaqytta talap oryndalmaıtyn bolsa, bılik tarapy atalǵan servıs túrlerine tyıym salady.
