Arab eli Malıge 200 tonna azyq-túlik jóneltti

Osynshama azyq-túlik bir ushaqqa syımaı, eki ushaqpen attandyryldy. Malıdiń gýmanıtarlyq qyzmetke jaýapty mınıstri Mamadý Sıdıbe Saýd Arabııasynyń bıligine kórsetken kómegi úshin alǵysyn bildirdi. Bul týraly muslim.kz saıtynan habarlandy

«Malıdegi Saýd Arabııasynyń elshisi Nagıd ıbn Ábdirahman ál-Harbı osy elge kómek qolyn sozýǵa korol Abdolla ıbn Ábdiázizdiń ózi yqpal etkenin jáne bul shara eki el arasyndaǵy dostyq qarym-qatynasty kórsetetinin málimdedi. Afrıka eliniń soltústigindegi aýdandardyń turǵyndary Aljırmen jáne Mavrıtanııamen aradaǵy shekaranyń jabylýyna baılanysty azyq-túlik tapshylyǵyna ushyraǵandaryn aıtyp, dabyl qaqqan bolatyn. Osyǵan baılanysty Saýd Arabııasy Malıge qol ushyn sozyp, «qoltyǵynan demedi», dep jazady Áziret Sultan meshitiniń resmı saıty muslim.kz.