Arab elderiniń basshylary Múbaraktyń bostandyǵyn mıllıardtaǵan dollarǵa satyp almaq
ASTANA. 21 sáýir. QazAqparat - Arab elderi Mysyrǵa eldiń eks-prezıdenti Hosnı Múbarakty bosatý úshin mıllıardtaǵan dollar usynýda, dep habarlaıdy Rosbalt agenttigi.
Birneshe eldiń basshylary Múbarakty qutqarý maqsatynda qazir Mysyrdyń áskerı hýntasymen kelissózder júrgizýde.
Esterińizge sala keteıik, bılik basynda 20 jyl otyrǵan Múbarak aǵymdaǵy jyly 11 aqpanda memleket basshysy ókilettigin tapsyrǵan bolatyn. Onyń otstavkaǵa ketýine 25 qańtardan beri jalǵasqan úkimetke qarsy sherýler sebep bolyp edi. Qazir Mysyrdaǵy bılik qorǵanys mınıstri, general Mohammed Tantaýı basshylyq etetin Qarýly kúshterdiń joǵarǵy keńesine kóshti.
Múbarakqa sybaılas jemqorlyqpen aınalysty jáne laýazymyn asyra paıdalandy degen aıyptaýlar taǵylýda. Eger, Hosnı Múbarak osy aıyptaýlar boıynsha kináli dep tanylatyn bolsa, ony ólim jazasy kútip tur.
Múbaraktyń eki uly -Alaa men Gamaldyń da qamaýǵa alynǵany týraly habarlanǵan bolatyn. Olar qańtar-aqpan aılaryndaǵy demonstratsııalardy qýyp-taratýdaǵy rolderi úshin jáne sybaılas jemqorlyq qylmystary úshin jaýapqa tartylady.
