Arab elderi lıgasynyń Palestına jónindegi sammıti Mysyrda ótedi
ASTANA. KAZINFORM - Sammıtte Palestınaǵa qatysty keıingi oqıǵalardy talqylaý josparlanǵan. Bul týraly Mysyr Syrtqy ister mınıstrligi habarlady, dep jazady Anadoly agenttigi.
27 aqpanda Mysyr astanasy Kaırde Palestına máselesi boıynsha Arab elderi lıgasynyń tótenshe sammıti ótedi. Bul týraly Mysyr Syrtqy ister mınıstrligi málimdedi.
Málimdemede aıtylǵandaı, bul sheshim Kaır men arab elderi, onyń ishinde Palestına arasynda ótken birneshe kúngi konsýltatsııadan keıin qabyldanǵan.
Vedomstvo sammıtte Palestınaǵa qatysty keıingi oqıǵalardy talqylaý josparlanǵanyn habarlady.
Sammıt Palestınanyń ótinishi boıynsha ótetini atalyp ótti.
Aıta keteıik, AQSh prezıdenti Donald Tramp Gaza sektorynyń taǵdyryna qatysty jańa málimdeme jasaǵan bolatyn. Onyń aıtýynsha, Izraıl soǵys qımyldary aıaqtalǵannan keıin Palestına anklavyn AQSh-qa beredi. Buǵan deıin Tramp Gazada jergilikti halyqty qonystandyrý arqyly «Taıaý Shyǵystyń Rıverasyn» salýdy usynǵan, biraq bul álemniń kóptegen eliniń ótkir synyna ushyrady.