Arab Ámirlikteriniń astanasy álemniń tańdaýly qalasy atandy
ASTANA. 2 jeltoqsan. QazAqparat -- Birikken Arab Ámirlikteriniń astanasy - Ábý Dabı álemniń tańdaýly qalasy atanyp, International Awards for Liveable Communities (LivCom Awards) halyqaralyq syılyǵyna ıe boldy.
Ártúrli sanatta 32 elden 60 qala synǵa tústi. Ábý-Dabı halqy 400 myńnan asatyn 11 qalanyń ishinde jeńimpaz boldy, habarlaıdy Khaleej Times basylymy.
Qazylar alqasy barlyq elderdi negizgi alty ólshem boıynsha baǵalady. Olar: «tabıǵat jáne jasandy orta», «qorshaǵan ortany qorǵaý boıynsha tańdaýly praktıkalyq tájirıbe», «qoǵam ómirine qatysýy», «óner, mádenıet, jáne mádenı mura», «qalalyq josparlaý» ólshemderi boıynsha anyqtaldy.
