Arab Ámirlikterinde sanaýly mınýtta kópqabatty úıdi órt sharpydy

ADJMAN. QazAqparat - Birikken Arab ámirlikteriniń Adjman qalasynda kópqabatty turǵyn úıdi órt sharpydy, dep habarlaıdy QazAqparat The Hindustan Times basylymyna silteme jasap.

Ajman One kesheniniń 02 munarasynda órt shyqty. Jalyn sanaýly mınýtta birneshe qabatty sharpydy. Oqıǵa ornyna dereý jetken órt sóndirýshiler polıtsııa jáne azamattyq qorǵanys toptarynyń birlesken kúshimen tilsiz jaýdy aýyzdyqtaı aldy.

Zardap shekkender týraly málimet joq. Órt aýmaǵynan evakýatsııalanǵan turǵyndar Adjman men Shardj qonaqúılerine jetkizildi. Áleýmettik jelide taraǵan vıdeodan qutqarýshylardyń bıik ǵımarattyń birneshe qabatyna tarap úlgergen otty aýyzdyqtaýǵa bar kúshin salyp jatqanyn kórýge bolady.