Arab Ámirliginiń týmasy BQO-da alkogoldik ónimderdi zańsyz saqtaý jáne satýmen aınalysqany úshin aıyppul tóledi
ASTANA. 14 maýsym. QazAqparat - Arab Ámirliginiń týmasy Batys Qazaqstan oblysynda alkogoldik ónimderdi zańsyz saqtaý jáne satýmen aınalysqan úshin aıyppul tóledi.
Bul týraly búgin brıfıng barysynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Onyń aıtýynsha, 2010 jyldan bastap qarjy polıtsııasy organdary alkogoldik ónim jáne spırttiń zańsyz aınalymyna baılanysty 435 qylmystyq is qozǵap, onyń 412 sotqa joldanǵan. «Alkogoldik ónimderdiń astyrtyn aınalymynyń negizgi bóligin spırttik ishimdikterdi saqtaý men satý salasyndaǵy zańsyz kásipkerlik quraıdy. Zańsyz alkogol naryǵynan spırttik ónimderiniń 1,5 mln. bótelkesi alyndy», - dedi resmı ókil.
Máselen, M.Jumanbaıdyń aıtýyna qaraǵanda, Batys Qazaqstan oblysynda Arab Ámirliginiń týmasy El-Hadj Tarek Anvarge aıyppul tóleý jazasy kesildi. «Ol «Sıdar Interpraıs» JShS-niń dırektory bola tura jáne «Qyz Jibek» túngi klýbyn jalǵa alyp, alkogoldik ónimderdi zańsyz saqtaý men satýmen aınalysqan. Túngi klýbta jalpy somasy 1 mln. teńgeni quraıtyn spırttik ishimdikterdiń 868 bótelkesi jáne 6 syra quıylǵan bóshke alyndy», - dedi ol.
