Arab álemindegi tártipsizdikterdi Izraıl men AQSh uıymdastyryp otyr - Iemen prezıdenti
ASTANA. 2 naýryz. QazAqparat -Iemen Prezıdenti Álı Abdýl Saleh óńirdegi halyq tolqýlaryn arandatyp otyr dep Izraıl men AQSh-ty aıyptady.
Bul týraly RBK agenttigi habarlady.
«Arab álemine jaıylyp otyrǵan tártipsizdikterdi Vashıngtonnyń baqylaýymen Tel-Avıv daıyndap otyr»,- deıdi Iemen basshysy. AQSh Prezıdenti Barak Obamanyń ákimshiligi bul málimdemeni teriske shyǵardy. Aq úı ókili Djeı Karnı Álı Salehke «kináni basqaǵa jappaı, oppozıtsııanyń talaptaryn oryndaýdy» usyndy. Izraıl tarapynyń reaktsııasy ázirge beımálim.
Al 1 naýryzda Iemenniń iri qalalarynda sherýler ótip, oǵan qatysýshylar Á.Salehtiń otstavkasyn talap etti. Iemenniń eki úlken taıpalyq konfederatsııasy oppozıtsııanyń jaǵyna shyǵyp otyr. Aǵan deıin oppozıtsııa koalıtsııa qurý týraly prezıdenttiń usynysynan bas tartqan bolatyn.
Esterińizge sala keteıik, Álı Saleh 1978 jyldan beri, ıaǵnı 30 jyldan astam ýaqyt bılik basynda otyr.
