Arab álemindegi alǵashqy atom stantsııasy iske qosyldy
ÁBÝ-DABI. QazAqparat – Birikken Arab Ámirlikteriniń Abý-Dabı ámirliginde «Baraka» atom elektr stantsııasy paıdalanýǵa berildi, dep habarlaıdy QazAqparat tilshisi.
WAM ámirlik agenttiginiń málimetinshe, «Baraka» AES - arab óńirindegi alǵashqy, al álemdegi otyz úshinshi atom elektr stantsııasy. Ol atom energııasyn bazalyq júktememen qaýipsiz jáne senimdi elektr energııasynan óndiredi.
Jańa AES Abý-Dabı ámirliginiń Ad-Dafra mýnıtsıpaldy aımaǵynda salyndy jáne 60 jylǵa deıin jumys isteıdi.
«Biz búgin BAÁ-niń jańa jetistigi - arab álemindegi alǵashqy beıbit atom energetıkalyq reaktorynyń iske qosylǵanyn jarııalaımyz», - dep málimdedi BAÁ premer-mınıstri, vıtse-prezıdent, Dýbaı ámirliginiń sheıhi Mýhammed bın Rashıd Al Maktým ashylý saltanatynda. Ol ıadrolyq otyn tórt bloktyń alǵashqysyna sátti júktelgenin atap ótti.
ıAdrolyq qondyrǵy tolyǵymen paıdalanýǵa berilgennen keıin, ol jylyna 21 mln tonnadan astam kómirtegi shyǵaryndylaryn joıyp, 5,6 gıgavatt elektr energııasyn óndiretin bolady.
Birneshe aı boıy AES júıeleri barlyq normatıvtik talaptarǵa jáne sapa men qaýipsizdiktiń eń joǵary halyqaralyq standarttaryna jaýap beretinine kóz jetkizý úshin únemi baqylanyp, tekserilip turady.
Avtor: Arnur Rahymbekov
