Ara shaqqan polıak tabyttyń ishinde esin jıdy
ASTANA. Qańtardyń 27-si. QazAqparat - Polshanyń ońtústiginde ornalasqan Katovıtse qalasynyń qart turǵyny jańsaqtyqpen óldi dep sanalady,
dep habarlaıdy QazAqparat Lenta.rý saıtyna silteme jasap. Er adam ózin tabytqa salǵanda esin bir-aq jınaıdy.
Jasy 76-daǵy Iozef Gýzı (Jozef Guzy) omartashylyqpen aınalysqan. Aralar shaqqannan keıin onyń júrek talmasy ustaıdy, odan keıin esinen tanyp qalady. Dáriger Gýzıdiń jany shyǵyp ketkenin málimdeıdi jáne deneni aqjaımamen jabady.
Dáriger kelip-ketken úsh saǵattan keıin jerleý bıýrosynyń ókilderi keledi. Olar er adamdy tabytqa salyp, qaqpaǵyn jabady jáne máıithanaǵa aparady. Alaıda birneshe saǵattan keıin esin jıǵan Iozef Gýzı kómekke shaqyryp, tabyttyń qaqpaǵyn judyryqtaı bastaıdy. Bıýro qyzmetkerleriniń biri onyń daýysyn estip, tabyttyń qaqpaǵyn ashady.
