Ara shaǵyp alǵanyna qaramastan Nıbalı «Výeltanyń» jalpy esebinde kósh bastady. FOTO
ASTANA. 5 qyrkúıek. QazAqparat - Qazaqstandyq «Astana» komandasynyń úzdigi Vınchentso Nıbalı Ispanııa joldarymen ótip jatqan «Výelta» mártebeli velokópkúndiginde jalpy esepte kósh basyna oraldy, dep habarlaıdy Vesti.kz.
Bul jaǵdaı 11-kezeńnen keıin oryn aldy. Jeke jarys qorytyndysy boıynsha Nıbalı shveıtsarııalyq Fabıan Kanchellara, nemis Tonı Martın jáne óziniń otandasy Domenıko Potstsovıvoǵa jol berip, tórtinshi oryn aldy.
Jalpy esepte Nıbalı ırlandııalyq Nıkolas Rosheden 33 sekýndqa ozyp keledi. Úshinshi orynda kele jatqan Alehandro Valverde bizdiń veloshabandozdan 46 sekýndqa qalyp tur.
Esterińizge sala keteıik, V.Nıbalıdi dál mańdaıynan ara shaǵyp aldy degen aqparat taraǵan bolatyn. Sonyń saldarynan «Astana» kapıtanynyń beti isip ketti.
