Ár jýrnalıst ShQO-da naýqasqa bos oryn bar ekenin óz kózimen kóre alady - Danıal Ahmetov
NUR-SULTAN. QazAqparat - Shyǵys Qazaqstan oblysynda 1 122 adam koronavırýstan emdelip shyqty. Bul týraly Shyǵys Qazaqstan oblysynyń ákimi Danıal Ahmetov oblystaǵy COVID-19 jaǵdaıy týraly tikeleı efırde ótken brıfıng barysynda aıtty, dep habarlaıdy QazAqparat tilshisi.
«Búgingi tańǵa deıin koronavırýstan emdelgender sany – 1 122. Infektsııalyq aýrýhanada 537 adam em alýyn jalǵastyryp jatyr. 592 adam pravızorlyq orynda emdelýde», - deıdi oblys ákimi Danıal Ahmetov.
Onyń aıtýynsha, aýrýhanalarda tósek-oryn jetispeýi týraly aqparat - jalǵan.
«Qazirgi ýaqytta naýqastarǵa arnalǵan tósek-orynnyń 30%-y ǵana bos emes. Ár jýrnalıst bos orynnyń bar ekenin óz kózimen kóre alady. 19 maýsymda Semeıdegi karantın sharalaryn kúsheıttik. 28 maýsymda Semeı qalasynda 22 adam koronavırýspen aýyrsa, Óskemende aýyrǵandar sany 23 boldy. 4 shildede Semeıde 12 adam aýyrsa, Óskemende 53 adam aýyrǵan. Karantın sharalaryn kúsheıtý qandaı nátıje beretinin osydan-aq kórýge bolady. Sol sebepti 24 maýsymda Óskemende de karantın sharalary kúsheıtildi. Endi onyń nátıjesin kóretin bolamyz. Vaktsına joq bolǵandyqtan, eń durys sheshim - oqshaýlaný. Oqshaýdanýdyń nátıjesi jaqsy bolatynyna senemin», - deıdi ol.
