Ár Joldaýdyń elimizdiń tarıhynda eleýli orny bar - Ardaq Dosjan

dedi búgin Almatyda QR Mádenıet mınıstrliginiń Dinı ister komıtetiniń tóraǵasy Ardaq Dosjan «Nur-Múbárak» Mysyr Islam mádenıeti ýnıversıtetiniń oqytýshylarymen jáne men stýdentterimen kezdesý barysynda.

Kezdesý Elbasynyń Qazaqstan halqyna Joldaýyn nasıhattaýǵa arnalǵan respýblıkalyq aqparattyq - nasıhattyq toptyń Almatydaǵy jumystary aıasynda ótti.

«Elimizdegi beıbitshilik pen kelisimdi saqtaýdyń mańyzdy negizi - ultaralyq jáne konfessııaaralyq qatynastar salasyndaǵy ustamdy ári salmaqty saıasat bolyp tabylady. Táýelsizdiktiń alǵashqy kúrdeli kezeńinde el Prezıdenti Nursultan Nazarbaev memlekettik konfessııalyq qatynastar salasynda saıası sheshimderdi qabyldaýda kóregendik pen parasattylyq tanytty. Osyndaı sarabdal saıasattyń nátıjesi - búgingi Qazaqstandaǵy konfessııaaralyq kelisim men turaqtylyq bolyp tabylady»,-dep atap ótti Ardaq Dosjan kezdesý barysynda.

Onyń aıtýynsha, osy baǵytta damytý úshin qurylǵan birqatar qurylymdar respýblıkamyzdaǵy ıslamnyń ortodoksaldy aǵymdary men túrli agressıvti psevdoıslamdyq aǵymdardan qorǵaýǵa múmkindik berdi. «Alǵashqy kezeńnen bastap Qazaqstanda basqa konfessııalarǵa tolerantty kózqaras tanytatyn, olardyń qundylyqtaryn moıyndaıtyn, ǵylymnyń damýyn, tehnıkalyq progresti qoldaıtyn ıslamnyń aǵartýshylyq negizdegi baǵyty taraldy»,-dedi ol.

Ardaq Dosjannyń aıtýynsha, búgingi tańda halyq arasynda, ásirese, jastar ortasynda dinı sananyń belsendi damýy baqalady. «Táýelsizdiktiń alǵashqy jyldarynda elimizde 63 meshit bolsa, búgingi tańda 2 371 meshit qyzmet atqarady. 2015-2020 jyldary musylmandyq dinı uıymdardyń sany shamamen 4 000-ǵa jetedi dep kútilýde. Al, ótken jyly, 2010 jyldyń 1 shildesinde musylmandyq dinı birlestikterdiń sany 2 725-ti qurady»,-dedi ol.

Onyń pikirinshe, respýblıkadaǵy ultaralyq jáne konfessııaaralyq qatynastar toleranttylyq, birlik jáne ınternatsıonalızm tárizdi gýmanıtarlyq qundylyqtar sheńberinde damýy qajet