Ár jeksenbide Aqtóbedegi iri saýda úıleri jumysyn toqtatady
Jańa qaýlyǵa saı konferentsııa, kórme, forým, oıyn-saýyq, sporttyq, sondaı-aq adamdar kóp jınalatyn otbasylyq, saltanatty, estelik jáne basqa da is-sharalardy ótkizýge bolmaıdy.
Karaoke, bılıard, kompıýterlik klýb, túngi klýb, boýlıng ortalyqtary, jabyq úı-jaılardaǵy balalar oıyn alańdary, attraktsıondar, batýt, kınoteatr, býkmekerlik keńse jáne loto-klýbtardyń qyzmetterine shekteý jalǵasady.
Balabaqshalarda tek kezekshi topqa ruqsat berilgen. Fýdkort, banket zaldarynyń qyzmeti shekteldi.
Al saýda úıleri, saýda jelileri, saýda-oıyn-saýyq ortalyqtary, azyq-túlik emes jáne azyq-túlik satatyn jabyq bazarlar jeksenbi jáne mereke kúnderi jabylady.
«Maska rejımin, áleýmettik araqashyqtyqty saqtaı otyryp, ashyq aýadaǵy kınoteatrlardyń qyzmetine ruqsat berildi. Teatrlardyń qyzmeti toqtamaıdy. Tek adam sany syıymdylyqtyń 50 paıyzynan aspaýy tıis. Saýda-oıyn-saýyq ortalyqtarynda ornalasqan qoǵamdyq tamaqtaný ornynda ujymdyq is-sharalar ótkizilmeıdi. 50 adamǵa qyzmet kórsetýge ruqsat. Jabyq azyq-túlik jáne azyq-túlik emes bazarlar saǵat 09:00- 18.00 aralyǵynda ǵana jumys isteıdi. Balalardyń túzetý kabınetteri, balalar men eresekterge arnalǵan bilim berý ortalyqtarynyń qyzmeti 10:00-21:00 aralyǵyn qamtıdy. Ashyq aýada jáne úı-jaıda qoǵamdyq tamaqtaný obektileriniń qyzmetine ujymdyq is-sharalardy ótkizbeı, zalda 50-den aspaıtyn otyratyn orynǵa saǵat 10:00-den 00.00-ge deıin ruqsat. Memlekettik organdardyń, kvazımemlekettik sektor organdarynyń, ulttyq kampanııalardyń, ózge de uıymdardyń, sondaı-aq kásipkerlik sýbektileriniń qyzmetkerlerine jumys isteýge ruqsat. Biraq áli de 50% qashyqtan jumys isteýi tıis» dep jazylǵan qaýlyda.