Ár jeksenbi saıyn Astananyń ortalyq saıabaǵynda tegin fıtnes jattyǵý ótedi (FOTO)
ASTANA. QazAqparat - Búgin Astana qalasynyń ortalyq saıabaǵynda buqaralyq sport maýsymy bastaldy. Endi ár jeksenbi saıyn ashyq aspan astynda sporttyń birneshe túri boıynsha tegin jattyǵýlar ótpek.
Astana qalasynyń ákimdigi, sonyń ishinde, dene shynyqtyrý jáne sport basqarmasy uıymdastyrǵan bul buqaralyq sport maýsymy «Fitness Park Astana» dep atalady. ıAǵnı, maýsym aıasynda ár jeksenbi saıyn ıoga, zýmba, kardıo-zon sııaqty sport baǵyttary boıynsha jattyqtyrýshylar elorda turǵyndaryn tegin jattyqtyryp, ár jeksenbi saıyn saǵat 10.00-13.00 arasynda sergektik syılaıdy.
Al, maýsymnyń búgingi alǵashqy jattyǵýyna shamamen júzge tarta adam keldi. Kún raıy aıaq asty sýytpaǵanda, bala-shaǵamyzdy ertip keler edik, deıdi jurtshylyq.
«Astana qalasynyń ákimdigi halyqtyń, ásirese, jastardyń sportpen shuǵyldanýyna jaǵdaı jasap keledi. Byltyr toǵyz saıabaqta únemi ártúrli sporttyq sharalar uıymdastyryp turdyq. Al, bıyl ortalyq saıabaqta, ashyq aspan astynda osyndaı aýqymdy shara uıymdastyrdyq. Ár jeksenbi saıyn saıabaqtyń bir buryshynda tegin fıtnes jattyǵý ótse, ekinshi bir buryshynda jastar ıogamen jattyǵýlaryn jasaı alady»,-dedi búgin buqara halyqpen birge sportpen shuǵyldanǵan qalalyq ákimdiktiń dene shynyqtyrý jáne sport basqarmasynyń basshysy Berik Márjikpaev.
