Ár jaǵdaıdy bólek qarastyrý kerek – vıtse-mınıstr mekteptegi álimjettik jaıly
NUR-SULTAN. QazAqparat – Mekteptegi álimjettik oqıǵalarynyń árqaısysyn bólek qarastyryp, tıisti quqyqtyq shara qabyldaý kerek. Bilim jáne ǵylym vıtse-mınıstri Sholpan Karınova osylaı dedi, dep habarlaıdy QazAqparat tilshisi.
Aıta ketsek, OKQ-da ótken baspasóz máslıhatynan keıin tilshiler Talǵar aýdanynda 6- synyptyń oqýshysyna qysym kórsetilý faktisi boıynsha vıtse-mınıstrdiń pikirin suraǵan edi.
«Ár jaǵdaıdy bólek qarastyrý kerek. Oqýshylardyń arasynda bolyp jatqan keleńsiz jaǵdaılar boıynsha bylaı deýge bolady: jalpy, tárbıe birinshi otbasynan bastalady. Tárbıeniń jalǵasy árıne, mektepte. Ata-anamen jumys júrgizýdiń de baǵyttary bar. Máselen, Talǵar aýdanyndaǵy fakt boıynsha aıtar bolsaq, naqty ol boıynsha ár jaǵdaıda da quqyqtyq sheńberde sheshim qabyldanady. Jalpy, bizdiń qazir jasalyp jatqan memlekettik baǵdarlamamyzda tárbıe jumysyn úlken blok qylyp shyǵardyq. Onda álimjettiktiń aldyn alý jumystary keń aýqymdy qarastyrylǵan», - dedi Sholpan Karınova.
Aıta ketsek, bıyl Tamyz konferentsııasynda Prezıdent Qasym-Jomart Toqaev jas urpaqqa durys tárbıe berý máselesin kótergen bolatyn.
«Tárbıe – sapaly bilimniń negizgi arqaýy, dińgegi. Ál-Farabıdiń «Tárbıesiz berilgen bilim – adamzattyń qas jaýy» degen sózi barsha bilim salasy qyzmetkerleriniń boı túzer baǵdary bolýy tıis. Elimizdiń jastary ózin jeke tulǵa retinde damytýmen qatar, memlekettiń ozyq ınnovatsııalaryna saı órkendeýine zor úles qosýy qajet. Bul qazirgi bilim jáne tárbıe berý
Elimizdegi mektep oqýshylarynyń bir-birine álimjettik kórsetýi ishinara kezdesip jatady. Máselen, jyl basynda Túrkistan oblysynda mektep oqýshylarynyń buzaqylyǵy áleýmettik jelide tarap ketip, oǵan qatysty qylmystyq is qozǵalǵan bolatyn.
