Ár úıde narkotest bolýy kerek – Medetbek Smaǵulov

ASTANA. KAZINFORM – Ár ata-ana úıine narkologııalyq test satyp alyp qoıǵany durys. ІІM-niń sala boıynsha ýákiletti ókili osyndaı keńes beredi. 

Jastar arasynda esirtkige táýeldilik kúnnen-kúnge kóbeıip barady. Osy oraıda, ІІM Esirtki qylmysyna qarsy is-qımyl komıtetiniń asa mańyzdy ister jónindegi aǵa jedel ýákili Medetbek Smaǵulov balany qutqarý týrasynda keńesin aıtty.  

– Qazir dárihanalarda narkologııalyq testter bar. Árbir ul-qyz tárbıelep otyrǵan otbasy balalaryn baqylaýda ustap, túsindirý kerek. Sol úshin osyndaı qurylǵyny satyp alyp, úıine qoıyp qoıýǵa keńes beremin. Sosyn balalary esirtki qoldanatyn bolsa, testpen tekserip, birden anyqtaıtynyn eskertýi kerek. 

Jalpy esirtki qoldanǵanyn anyqtaý úshin qan tapsyrýdyń qajeti joq. Osy qurylǵymen kishi dáret arqyly 1,5 mınýtta esirtkiniń qandaı túrin qoldanǵany týraly aqparat alýǵa bolady. Ol dárihanalarda ashyq satylady, - deıdi maman.

Ol esirtki tutynatyndarǵa «keıin qoıyp ketedi» dep, beı-jaı qaramaý keregin aıtty. Sebebi, esirtkige táýeldiliktiń bastapqy kezeńinde áreket etse, adamdy qutqarýǵa múmkindik joǵary.

– Eń basty másele, adamdar jaqyndarynyń esirtki qoldanatynyn jasyrady. Ózi kishkene ýaqytta qoıady deıdi. Bulaı bolmaıdy. Birden dabyl qaǵý kerek. Esirtki, sıntetıkalyq ónimderdi tutynýdy der kezinde toqtatsa, ary qaraı jaqsarýyna múmkindik bar. Bul - óte mańyzdy, - deıdi M. Smaǵulov.

Sondaı-aq esirtkige táýeldi bolyp qalǵan naýqas 3 aı tegin emdele alatynyn da eske saldy.

– Nashaqorlyqty emdeıtin arnaıy ortalyqtar bar. Memlekettik mekemede anonımdi túrde 3 aıǵa deıin tegin emdele alady. Biraq naýqas mindetti túrde tirkeýge alyný kerek. Aqyly memlekettik mekemeler de bar. Olar da anonımdi túrde emdeıdi. Tolyq emdeý quny 350-400 myńnan bastalady. Jeke emhanalarǵa barýǵa bolady. Ol jaqta em alý quny - 600-800 myń teńge aralyǵynda, - deıdi ol.

Eske salaıyq, Almatyda «Narkostop» jobasynyń qorytyndysy shyqqan bolatyn. Esirtkige táýeldilik neden bastalatynyn bilińiz.

Al esirtki tasymalymen aınalysqandar 16 jastan bastap qylmystyq jaýapkershilikke tartylady. Al eger asa aýyr qylmys jasap, tarmaqtary naqty anyqtalatyn bolsa, 14 jastan bastap qylmystyq is arqalaıdy.

Qazaqstanda esirtkige qatysty 4 myńnan astam sottalǵan adam bar. Onyń 255-i — áıel, 9-y — kámeletke tolmaǵan bala.

Túrmede otyrǵandardyń keıbiri jańa zańǵa sáıkes jazasyn jeńildete alady.