Ár ýnıversıtet UBT-daǵy shekti baldy ózi belgileıdi

ASTANA. QazAqparat - Túlekter oqýǵa qujat tapsyrmastan buryn joǵary oqý oryndarynyń shekti balyn bilip alǵany jón. Bul jaıynda Ulttyq testileý ortalyǵynń dırektory Rýslan Emelbaev málim etti, dep habarlaıdy QazAqparat.

Onyń aıtýynsha, ár ýnıversıtettiń óz shekti baly bolady. Bul quqyq olarǵa 3 jyl buryn berilgen.

«Bir oqýshy matematıka pániniń muǵalimi bolǵysy keledi dep alaıyq. Ol UBT-da jınaǵan 80 balymen ulttyq ýnıversıtetke aqyly bólimge túskisi keledi. Ózderińiz biletindeı, «Pedagogıkalyq ǵylymdarǵa» shekti ball – keminde 75 ball, al ulttyq JOO-larǵa – keminde 65 ball. Oqýshynyń jınaǵan upaıy jetip tur. Alaıda, ol ýnıversıtette oqýshynyń oqyǵysy kelgen mamandyqqa shekti ball 85-ten bastalady. Demek, oqýshyǵa shekti balyn 80-ge deıin belgilegen ýnıversıtetti izdeý kerek» deıdi Rýslan Emelbaev.

Al endi bul baldardy aldyn ala qaıdan bilýge bolady? Ony ýnıversıtetter ózderiniń saıtyna jarııalaıdy nemese qabyldaý komıssııasynyń jumysy bastalǵan ýaqytta keńes beredi.

Sonymen qatar arnaıy talapkerler úshin testcenter.kz saıtynda jáne Telegram arnasynda osy aqparat usynylady.