Ár ulttyń brendi qandaı - Shymkentte kórme ótti

ShYMKENT. QazAqparat - Shymkentte jergilikti taýar óndirýshilerdiń kórmesi uıymdastyryldy, dep habarlaıdy QazAqparat tilshisi.

Oblystyq Qazaqstan halqy Assambleıasynyń uıymdastyrýymen ótken sharaǵa kásipkerlikpen aınalysyp júrgen túrli etnos ókilderi qatysty. Kórme barysynda  kásipkerler ózderi óndirip jatqan  taýarlardy jurtshylyq nazaryna usynyp, bıznestegi tájirıbelerimen bólisti.

Kásipti ashý negizderine ásirese jumyssyz azamattar men stýdentter qaýymynyń qyzyǵýshylyǵy joǵary boldy. Іs-sharanyń ashylýynda sóz alǵan Oblystyq Qazaqstan halqy Assambleıasy tóraǵasynyń orynbasary Murat Qalmuratov óńirdegi  etnomádenı birlestikter mádenı sharlar ótkizýmen ǵana shektelmeı, aımaqtyń ekonomıkalyq áleýetin arttyrýǵa zor úles qosyp kele jatqanyn aıtty.

Eske salaıyq, buǵan deıin osyndaı  Saıram aýdany, Qarabulaq aýylyndaǵy mal bordaqylaý alańynyń bazasynda jáne Oblystyq tájik etnomádenı birlestiginiń uıymdastyrýymen Saryaǵash aýdanyndaǵy jylyjaı keshenderinde ótken bolatyn. Sondaı-aq oblystyq Assambleıa dıalog alańyn ashyp, óńirdegi qarjy ınstıtýttary men kásipkerlikti qoldaý uıymdary ókilderiniń kópshilikpen kezdesýlerin uıymdastyrǵan edi.