Ár túrli baǵyttaǵy jazǵy tegin mektepterge 60 jambyldyq oqýshy qatyspaq
ASTANA. QazAqparat - Bul týraly búgin Óńirlik kommýnıkatsııalar qyzmetinde ótken brıfıng barysynda oblystyq bilim basqarmasynyń bólim basshysy Svetlana Shevchenko málimdedi.
Jazǵy demalys kezindegi barlyq is-sharaǵa 1-10 synyptarda oqıtyn 187 029oqýshyny tolyq qamtý josparlanyp otyr. Onyń 87% (162 622 oqýshy) - jazǵy saýyqtyrý jáne demalys sharalarymen (2015 jyly - 85%), 57,6%-y (107 675 oqýshy) - eńbekpen jáne demalys sharalarymen qamtylady. Balalardyń jazǵy saýyqtyrylýy men demalysyn, bos ýaqyttaryn uıymdastyrý 2 baǵytta júrgizilmek: 1-shi baǵyt boıynsha - 162 622 oqýshy lagerlerde demalady.
«Oblysta 10 saýyqtyrý lageri bar (6 memlekettik, onyń ishinde 1 lager senimgerlik basqarýǵa berilgen, 4 memlekettik emes). 10 saýyqtyrý lagerinde - 7410 oqýshy; tamaq ishýdi uıymdastyratyn mektep janyndaǵy 369 demalys alańynda - 32534 bala (2015 jyly -26354); tamaq ishýdi uıymdastyrmaıtyn 426 demalys alańynda - 113267 bala (2015 jyly - 112408 bala); Respýblıkalyq saýyqtyrý ortalyqtarynda - 124 bala;
ata-analar men demeýshiler esebinen - 9287 bala»,- dep atap ótti spıker.
«2-shi baǵyt boıynsha - balalardyń demalysy men bos ýaqyttaryn uıymdastyrý sharalaryna 107675 bala ( 57,6%) qamtylady. Týrıstik saıahattar men ekskýrsııaǵa qamtylatyndar - 8692; mektepter men mektepten tys bilim mekemelerindegi til úırený, sporttyq, óner baǵyttary boıynsha úıirmege qamtylatyndar - 60076; eńbek jasaqtarynda - 35207 (kógaldandyrý, jóndeý jumystary); aýla klýbtarynda - 3700»,- dep aqparattandyrdy S.Shevchenko.
Іs-sharalar josparyna sáıkes bıylǵy jazǵy maýsymda daryndy balalarǵa arnalǵan qazaq-túrik mektep-ınternattary bazasynda aǵylshyn tilin úırený kýrstaryn uıymdastyrý jáne joǵary oqý oryndarynda aǵylshyn tili mamandyǵy boıynsha oqyp jatqan 3, 4 kýrs bilimgerlerin volonter retinde jaz merziminde mektepterdegi aǵylshyn tili úıirmelerine tartý jumystary júrgizilýde.
Sonymen qatar, Qazaqstan Respýblıkasy Bilim jáne ǵylym mınıstrliginiń 2016 jylǵy 13 mamyrdaǵy №02-5/217 hatyna sáıkes, 2016 jyldyń maýsym aıynyń 13-24 kúnderi óńirlerdegi barlyq «Nazarbaev Zııatkerlik mektepterinde» jalpy orta mektepterinde oqıtyn jetim jáne ata-anasynyń qamqorlyǵynsyz qalǵan, kóp balaly, az qamtylǵan otbasy balalary men bilim úzdikterine arnalǵan ár túrli baǵyttaǵy jazǵy tegin mektepterge oblysymyzdan 60 oqýshynyń qatyspaq.
