ÁR týrkompanııasynyń qyzmetkerleri Grýzııada demalyp jatqan týrısterdiń aqshasynan kazınoda utyldy
BAKÝ-TBILISI. QazAqparat - Ázerbaıjandyq týrıstik kompanııalardyń biriniń qyzmetkerleri týrısterdiń Batýmıge (Grýzııa) deıingi joly men qonaqúıde turýy úshin tóleýge arnalǵan qarjyny kazınoǵa «salyp jiberip», týrıster qıyn jaǵdaıǵa tap boldy.
«Keshe týrıster Batýmıdegi Ázerbaıjannyń bas konsýldyǵynyń kómegine júgindi. Bas konsýldyqtyń yqpalymen olarǵa tólqujattary qaıtaryldy», - dedi Ázerbaıjannyń Batýmıdegi bas konsýly Rashad Ismaılov.
«Týrkompanııa 50 týrıstiń qonaqúıde turýy úshin aqsha tólemegendikten, qonaqúı qyzmetkerleri olardyń tólqujattaryn alyp qoıǵan. Bas konsýldyqtyń yqpalymen olarǵa tólqujattary qaıtaryldy. Týrıstik kompanııa áreketteriniń zańsyzdyǵy rastalǵan jaǵdaıda ol áreketi úshin jaýapqa tartylady. Bul máselemen quqyq qorǵaý organdary aınalysady. Bas konsýldyq óz ókilettiligi aıasynda japa shekken ázerbaıjandyq týrısterdiń quqyǵyn qorǵaý úshin tıisti sharalardy qolǵa aldy», - dedi R.Ismaılov.
