Ár óńirden kelgen balalar Aqordany aralady

NUR-SULTAN. QazAqparat - Halyqaralyq balalardy qorǵaý kúninde elimizdiń ár óńirinen 34 oqýshy Prezıdenttiń rezıdentsııasyna bardy. Olarǵa tanymdyq ekskýrsııa uıymdastyryldy, dep habarlaıdy QR BǴM baspasóz qyzmeti.

Balalar Qazaqstan Respýblıkasy Prezıdentiniń keńsesinde boldy. Sondaı-aq elordanyń jas qonaqtary Memleket basshysynyń atynan estelik syılyqtar aldy.

Balalar jyly aıasynda az qamtylǵan, kóp balaly otbasy balalary, jetim balalar, oqý ozattary, sondaı-aq 10-14 jas aralyǵyndaǵy zııatkerlik jáne shyǵarmashylyq baıqaýlardyń jeńimpazdary men júldegerleri Nur-Sultan qalasyn aralaýǵa joldama aldy. Oqýshylardyń aıtýynsha, bul sapar endi olardyń esinde máńgi saqtalady.

«Búgin biz «Aqorda» rezıdentsııasyn araladyq. Onyń syrty qandaı ádemi bolsa, ishi de sondaı ádemi. Biz kóptegen zaldy araladyq, biraq maǵan Shyǵys zaly erekshe unady. Aqordada bolǵanymda, onda jumys isteıtinderdiń biz úshin jáne «jańa Qazaqstan» úshin bárin jasap jatqanyna kózim jetti», - dep aıtty elordaǵa Taldyqorǵannan kelgen 6-synyp oqýshysy Aqbota Bolat alǵan áseri týraly.

«Aqordada óte qyzyqty jáne áserli ekskýrsııa boldy. Men elimizdiń tarıhy týraly kóptegen qyzyqty derekti tyńdadym. Sońynda bizge daıyndalǵan tosyn syı erekshe unady. Sebebi bizge planshetter syılady», – deıdi jas almatylyq Erasyl Serikov.

«Meni ekskýrsııaǵa jibergen muǵalimderime jáne mektep dırektoryna alǵys aıtqym keledi. Aqordany aralaý óte qyzyqty boldy, kóptegen jańa aqparat aldym. Men óz dostarymdy, balalardy Halyqaralyq balalardy qorǵaý kúnimen quttyqtaǵym keledi. Barlyq tilek oryndala bersin. Sondaı-aq Memleket basshysyna da keremet syılyǵy úshin alǵys aıtqym keledi», – deıdi qaraǵandylyq Arýjan Erasynova.

Óńirlerden kelgen oqýshylar elordanyń basqa da kórikti jerlerin aralady. Olar Oqýshylar saraıynda, Ulttyq mýzeıde, astanalyq tsırkte bolyp, «Báıterek» monýmenti men «AILAND» otbasylyq demalys ortalyǵynda boldy.

Foto: gov.kz