Ár óńirde aqparattyq úılestirý toptary men Qoǵamdyq keńes qurylady - Bilim mınıstri
ASTANA. 18 maýsym. QazAqparat - El óńirlerinde bilim berý salasyna qatysty aqparattyq úılestirý toptary men Qoǵamdyq keńes qurylatyn bolady.
Bul týraly búgin Májilistegi Úkimet saǵatynda Bilim jáne ǵylym mınıstri Baqytjan Jumaǵulov málim etti.
«Mınıstrlik aldaǵy ýaqytta eki mańyzdy qadamdy júzege asyratyn bolady. Birinshiden, ár aımaqta aqparattyq úılestirý toptary qurylady. Olar bilim salasyndaǵy bolyp jatqan ózgerister, istelip jatqan jumystar týraly jergilikti jerlerde túsindirý jumystarymen aınalysady. Osy toptar arqyly biz ózimizdiń qyzmetimizdiń barlyq baǵyttary týraly qoǵamdy habardar etip otyramyz», - deıdi B. Jumaǵulov.
Onyń aıtýynsha, ekinshi mańyzdy qadam Qoǵamdyq keńesti qurýǵa qatysty bolmaq. Onyń quramyna depýtattar, saıası partııalar ókilderi, tanymal ǵalymdar men qoǵam qaıratkerleri kiretin bolady.
«Bul keńes - bilim sapasyn arttyrý boıynsha qabyldanyp jatqan sharalardy talqylap, aqyldasyp otyratyn negizgi alań bolmaq. Barlyq jańalytar osy jerde qoǵamdyq saraptan ótetin bolady», - deıdi mınıstr.
