Ár oqyǵan kitabyń túrmeden bosap shyǵý merzimińdi 3 táýlikke jaqyndata túsedi
ASTANA. QazAqparat - Italıandyq sottalýshylar ár oqyǵan kitaby úshin túrmeden bosap shyǵý merzimin 3 táýlikke jaqyndata túsedi, dep jazady sheteldik BAQ.
Oqý bilim bulaǵy bolýmen qatar túrmeden merziminen buryn bosap shyǵýǵa da múmkindik beretin boldy. Italııanyń ońtústik qıyrynda ornalasqan Kalabrııa óńiriniń bıligi lyq toly túrmelerdi sottalýshylarǵa kitap oqytý arqyly merziminen buryn bosatý ári bilim alýyna járdemdesý sharasyn qolǵa alýda. Kalabrııa sottalýshylary merziminen buryn bostandyq dámin tatý úshin kitaptan bas almaýlary qajet.
Ár oqyǵan kitap úshin sottalý merzimi 3 táýlikke qysqarady. Zańǵa sáıkes bir jylda 47 kúnińdi qysqartýǵa múmkindik berilgen. Árıne, kúnine bir kitap oqımyn deseń de erkiń. Biraq esepke tek 16 kitap qana alynady. Osylaısha 8 jyldyń ishinde kitap oqýdyń arqasynda ózińniń 1 jyldyq sotty bolý merzimińdi qysqarta alasyń.
Corriere della Sera-ǵa silteme jasaǵan Independent basylymynyń jazýynsha, túrme bıligi árbir sottalýshynyń kitap oqýyn jiti qadaǵalaýǵa alady. ıAǵnı, sottalýshy oqyǵan kitaby boıynsha synaq tapsyryp otyrady.
